Tuesday, November 20, 2012

21-11-2012 BBC ဒေါ်အောင်ဆန်းစုကြည် AIDS သံတမန်ဖြစ်

အေအိုင်ဒီအက်စ် ရောဂါသည်တွေအပေါ် ခွဲခြားဆက်ဆံမှု လုံးဝမရှိရေးအတွက် ကမ္ဘာတဝန်းမှာ ဦးဆောင် ပြောဆိုဖို့ သံတမန်တစ်ဦးအဖြစ် ဒေါ်အောင်ဆန်းစုကြည်ကို ကုလသမဂ္ဂ UNAIDS အဖွဲ့က ရွေးချယ် ခန့်အပ်လိုက်ပါတယ်။

HIV/AIDS ဝေဒနာသည်တွေအပေါ် ခွဲခြားဆက်ဆံတာတွေ မလုပ်ဖို့ နိုဘဲလ် ငြိမ်းချမ်းရေး ဆုရှင်က ရပ်တည် ဆောင်ရွက်ပေးနေလို့ မကြာခင်က UNAIDS အမှုဆောင် ညွှန်ကြားရေးမှူး မီရှဲလ် ဆီဒီဘေး မြန်မာနိုင်ငံ ရောက်ရှိစဉ် ဒီတာဝန်ယူဖို့ ဒေါ်အောင်ဆန်းစုကြည်ကို မေတ္တာရပ်ခံခဲ့တာလို့ သိရပါတယ်။

ဒေါ်အောင်ဆန်းစုကြည်ကလည်း ဒီလို ရွေးချယ် တာဝန်ပေးခံရတာ ဂုဏ်ယူကြောင်း ကြေညာချက် ထုတ်ပြန်ပါတယ်။

ဒေါ်အောင်ဆန်းစုကြည်ဟာ အခုနှစ် အစောပိုင်းကလည်း ဝါရှင်တန်မှာ ကျင်းပခဲ့တဲ့ နိုင်ငံတကာ AIDS တိုက်ဖျက်ရေး ညီလာခံမှာ HIV/AIDS ဝေဒနာသည်တွေကို တန်းတူထား ဆက်ဆံဖို့ ကမ္ဘာ့လူထုကို ဗီဒီယိုက တိုက်တွန်း သွားတယ်လို့ UNAIDS အဖွဲ့ မြန်မာနိုင်ငံ ညှိနှိုင်းရေးမှူး Eamonn Murphy က ပြောပါတယ်။

လောလောဆယ် လူမှုအသိုင်းအဝိုင်းမှာ HIV/AIDS ဝေဒနာသည်တွေ အပေါ် ခွဲခြားဆက်ဆံမှုတွေ နေရာ အတော်များများမှာ ရှိနေဆဲလို့လည်း မစ္စတာ မာဖီက ပြောပါတယ်။

မြန်မာနိုင်ငံမှာ လက်ရှိ ရင်ဆိုင်နေရတဲ့ အဓိက စိန်ခေါ်မှု အခက်အခဲတွေထဲမှာ ငွေကြေးရန်ပုံငွေနဲ့ အကူအညီပေးနိုင်မယ့် လူသား အရင်းအမြစ် ရှိဖို့တွေလည်း ပါဝင်တယ်လို့ သူက ပြောပါတယ်။

No comments:

Post a Comment